جولة في جوجل (الجزء الأول)

من الممكن تقسيم الموضوع إلى جزئين. جزء عن الـ benefits العامة وجزء عن الخدمات اللي موجودة في أي مبني من مبانى جوجل.

أولا : المزايا  benefits

1- التأمين الصحي:

في الدول اللي مفيش فيها تأمين صحي مجاني زي امريكا, جوجل بتقدم للموظف تأمين شامل ليه ولكل أفراد الاسرة. وبيبقي مجاني.

في الدول اللي فيها تأمين صحي حكومي (زي انجلترا), جوجل بتقدم تأمين صحي فوق التأمين الحكومي علشان مشاكل المواعيد ومستوي الجودة العامه. طبعا مجانا 100% للموظف واسرته

2- التأمين الصحي للاسنان:

في كل دول اوروبا وامريكا ده بيبقي بفلوس وفلوس كتير جدا. جوجل بتقدمه للموظف واسرته بشكل مجاني 100%

3- تأمين صحي للنظر: شامل نظرات طبية والاختبارات بتاعتها

4- حاجات طبية تانية زي خط تلفوني للمساعدة في الطب النفسي وكده

5- المساهمة في خطة المعاش

6- تأمين صحي للسفر (اللي عايز يعمل مثلا فيزا شنجن لأغراض شخصية مش محتاج يقدم على تأمين سفر) وده شامل الاسره كلها

7- تأمين على الحياة

8- تأمين ضد الاعاقة

9- تأمين ضد وفاة شريك الحياة

10- أجازة وضع مدفوعة للام (خارج الأجازة الحكومية)

11- أجازة وضع للاب (خارج الأجازة الحكومية)

12- مساعدة للي عايز يكمل دراسة

13- كتب مجانية

14- خصومات لحاجات كتير جدا بره الشركة نفسها

15- حاجات تانية كتير صعب حصرها